19-vjeçari i “Zonjës së Vjetër” ka shfaqur talentin e tij edhe mbrëmjen e sotme (e shtunë) në derbin Juventus – Milan.

Me golin nga Moise Kean, kampioni në fuqi i Italisë siguroi tri pikë të plota në takimin e madh derbi ndaj gjigantit nën udhëheqjen e Gennaro Gattusos duke fituar me përmbysje me rezultat 2 me 1, shkruan portali arbresh.info.

Mysafirët kaluan në epërsi në takimin mjaftë të rëndësishëm në Allianz Arena duke shënuar gol me anë të sulmuesit në formë Krzyzstof Piatek, i cili zhbllokoi shifrat në minutën e 39′ të pjesës së parë.

Mirëpo, “Rossonerët” nuk arritën të ruajnë avantazhin duke pësuar gol nga pika e bardhë pas një ore lojë. Paulo Dybala u tregua i saktë me goditjen nga penaltia, të cilin e siguroi pas një ndërhyrje të palejuar ndaj tij në zonë.

Sidoqoftë, ishte talenti më ngazëllyes aktualisht në Evropë që shënoi golin e fitores për skuadrën e Massimiliano Allegrit ende pa u bërë 20 minuta lojë pas inkuadrimit.

Kean shënoi bukur për 2 me 1 nga afërsia pas asistimit nga mesfushori Miralem Pjanic.

Juve tani ka 84 pikë dhe në rast se Napoli humb ndeshjen e ardhshme gjatë këtij vikendi, kampioni në fuqi siguron titullin në ligë. Milani nga ana tjetër mund të humbas pozitën e katërt ndaj Atalanas për shkak se tani ka vetëm një pikë më shumë se rivali i Interit në xhiron tjetër./arbresh.info/