Rezolutën e propozuar nga Sami Kurteshi për KQZ-në e ka mbështetur shefi i Grupit Parlamentar të LDK-së, Avdullah Hoti.

Ai ka kërkuar nga presidenti i  vendit që menjëherë t’i emërojë anëtarët e KQZ-së në mënyrë që të mos pengohen më tutje aktivitetet që kanë mbetur peng.

“Mosfunksionimi i KQZ-së ka penguar shumë aktivitete. Zyrtarët e partive kanë 3 muaj që nuk marrin paga sepse KQZ nuk mund të ndajë financat për parti politike. Ka më shumë se 1 vit që 37 këshilltarë komunal dhe një deputetë i Kuvendit nuk po certifikohen, nuk po mund të përfaqësojnë vullnetin e qytetarëve që i kanë votuar. Është shkelje nga presidenti. Ka nevojë për një gjykatë Kushtetuese që ka një rol aktiv. Ne e mbështesim draft rezolutën e kërkuar. Kërkojmë që presidenti të emërojë pa asnjë minutë vonesë anëtarët. Ftojmë të gjithë deputetët që të mbështesin këtë rezolutë”, tha Hoti./Arbresh.info/