Ylli i Werder Bremenit, Milot Rashica shënoi dy gola kunër kundërshtarit të Manchester Cityt në  Ligën e Kampionëve, Schalkes.

Mesfushori i talentuar kosovar arriti ta gjejë golin dy herë në fitoren 4:2 të skuadrës nga Bremeni.

Andaj, tifozët e Crystal Palaces duhet të jenë të ngazëllyer për shkëlqimin e futbollistit vushtrrias, i cili po vazhdon me paraqitjet mbresëlënëse në Bundesliga, shkruan “HITC”.

Crystal Palace ka qenë kohëve të fundit e lidhur me transferimin e 22-vjeçarit, i cili mund të luajë si anësor i djathtë si dhe si sulmues i dytë.

“CalcioMercato” shkroi muajin e kaluar se skuadra nga Londra është e interesuar për futbollistin që ka 20 paraqitje me Përfaqësuesen e Kosovës, dhe pas ‘shpërthimit’ të tij të fundit, Crystal Palace duhet të jetë edhe më e interesuar për lojtarin.

Paraqitja e Rashicës kundër Schalkes u vlerësua me një note prej 8.57 nga “WhoScored”, teksa deri më tani në 17 ndeshje kampionale, Miloti ka shënuar gjashtë gola dhe ka dhuruar një asistim.