Presidenti venezuelian, Nicolas Maduro, ka fajësuar Shtetet e Bashkuara të Amerikës për ndërprerjen masive që Karakas dhe një duzinë shtetesh në vend ka mbetur në errësirë.

Ndërprerja e energjisë, ka denoncuar Maduro, “është pjesë e luftës elektrike të shpallur dhe drejtuar nga imperializmi i SHBA kundër popullit tonë”. Por, ai nënvizoi, “asgjë dhe askush nuk mund ta mposhtë popullin e Bolivarit dhe Chavezit”.

Në Karakas metrotë kanë pezulluar shërbimin, përfshirë dhe aeroportin ndërkombëtar Maiquetia. Për shkak të ndërprerjes, rrjeti i telefonisë fikse dhe i lëvizshëm dhe lidhja me internetin janë ndërprerë rëndë.

Qeveria e Venezuelës ka “pezulluar punën dhe në sistemin arsimor” për të premten, në të gjithë vendin, për të lehtësuar kthimin e shërbimit të energjisë elektrike. Kjo u njoftua nga emetuesi “Telesur”, duke theksuar se “kjo masë do të mbetet në fuqi vetëm një ditë për të bërë të mundur normalizimin e sistemit elektroenergjetik, i cili pësoi një sulm të sektorëve të së drejtës ekstreme, të mbështetur nga udhëheqësit politikë imperialistë”.

Reagimi i SHBA, të akuzuar nga Maduro si përgjegjës për ndërprerjen energjisë elektrike, nuk është vonuar. “Shkatërrimi i vuajtur nga venezuelianët çdo ditë nuk varet nga Shtetet e Bashkuara, e jo nga Kolumbia, Ekuadori, Brazili, Evropa apo ndonjë vend tjetër. Mungesa e energjisë elektrike dhe e urisë janë rezultat i paaftësisë së regjimit të Maduros”.

Sekretari amerikan i Shtetit, Mike Pompeo tha. “Asnjë ushqim, asnjë ilaç, pa energji elektrike tani … Hapi i ardhshëm, asnjë Maduro…, – tha ai, – Politikat e Maduros nuk sjellin asgjë tjetër veç errësirës”.