Lideri i Koresë Veriore, Kim Jong-un, ka arritur në Vietnam, në prag të samitit me Presidentin e SHBA-ve, Donald Trump.

Derisa Samiti i dytë mes Shteteve të Bashkuara të Amerikës dhe Koresë së Veriut vjen pas një raundi të parë historik të bisedimeve, vitin e kaluar në Singapor.

Ndërsa, rojet ceremoniale dhe turmat me njerëz që valëvisnin flamuj kishin vendosur një tapet të kuq të përgatitur për Jong-un kur ai arriti në stacionin kufitar Dong Dang, në mëngjes.

Lideri i Koresë Veriore mori një makinë në kryeqytetin Hanoi ku pjesëtarë të shumtë të sigurisë dhe turmat e njerëzve që mbanin në duar flamuj po e prisnin.

Në Dong Dang, pjesëtarët e sigurisë, zyrtarët dhe kameramanët e rrethuan Kim Jong-un dhe shoqëruesit e tij derisa ata po zbrisnin nga treni dhe po drejtoheshin drejt veturës që po i priste.

Vlen të theksohet se truprojet e tij me kostume të zeza po e prisnin atë në stacion dhe pasi makina e tij u nis, ata ashtu si bëjnë zakonisht, vrapuan pas saj.