Interi dhe Lazio kanë publikuar formacionet zyrtare për ndeshjen mes tyre mbrëmjen e sotme (e enjte).

Dy skuadrat italiane kanë zbuluar njëmbëdhjetshen startuese për takimin në stadiumin Giuseppe Meazza në kuadër të çerekfinales në Kupë të Italisë, shkruan portali arbresh.info.

“Nerazzurrët” shpresojnë të vazhdojnë me rekordin e tyre të fortë kundër Lazios edhe në këtë përballje.

Skuadra e Luciano Spallettit ka fituar tri dhe nuk ka humbur asnjë nga katër ndeshjet kundër kundërshtarit të sotëm, ndërkohë që kanë siguruar fitore bindëse me rezultat 3 me 0 në stadiumin Olimpico në takimin e fundit mes tyre tetorin e kaluar.

Ndeshja mes dy skuadrave fillon në ora 21:00./arbresh.info/

INTER (4-3-3): Handanovic; D’Ambrosio, Skriniar, Miranda, Asamoah; Gagliardini, Brozovic, Borja Valero; Politano, Icardi, Joao Mario.

LAZIO (3-5-2): Strakosha; Wallace, Acerbi, Radu; Marusic, Milinkovic-Savic, Leiva, Berisha, Durmisi; Caicedo, Immobile.