Ernesto Valverde ende nuk ka bërë të ditur se cila do të jetë e ardhmja e tij tek Barcelona.

Trajneri i cili fitoi La Ligan me skuadrën e Barcelonës, nuk është i vendosur nëse do të vazhdojë apo jo aventurën e tij në “Camp Nou”.

Për këtë situatë “të mjegulluar” disa komente ka dhënë edhe ylli kroat i Barcelonës, Ivan Rakitic.

“Është një problem që duhet ta zgjidhin skuadra dhe trajneri” ka thënë fillimisht Rakitic.

“Ne jemi vërtetë të lumtur me të dhe me gjithë stafin e trajnerëve” ka thënë tutje kroati.

“Skenari më normal do të ishte vazhdimi i tij me ne, por ne duhet të fokusohemi në punën tonë, që është të luajmë dhe të fitojmë. Le t’i lëmë ata të vendosin atë që është më e mira” ka përfunduar Rakitic.

Rakitic ka qenë ndër lojtarët që kanë qenë pikë kyçe e planeve të Ernesto Valverdes.