Brexit-i mund të mos ndodhë

epa06566509 Pro EU protesters wave a joined EU and Union flag outside of the British Parliament in Westminster, central London, Britain, 26 February 2018. Media reports state on 26 February 2018 that forecasts for the British economy are gloomy with the uncertainty over Brexit. EPA-EFE/ANDY RAIN

21:44 | 30 Dhjetor 2018
Trina Galanxhi

Brexit-i mund të mos ndodhë më.

Paralajmërimi vjen nga një anëtar i qeverisë së Theresa May-t, ministri i Tregtisë me Jashtë, Liam Fox, i cili deklaroi se nëse marrëveshja e kryeministres nuk votohet në Parlament muajin e ardhshëm, mundësitë që shkëputja e Britanisë nga Bashkimi Evropian të mos realizohet kurrë janë 50 me 50.

Mbretëria e Bashkuar duhet të dalë nga blloku 29 marsin e vitit 2019, por rruga e largimit ka qenë e vështirë dhe në pengesën e fundit madhore është kthyer pikërisht ujdia e negociuar prej May-t me krerët e Bashkimit Evropian.

Marrëveshja duhet të ishte kaluar në Parlament që në dhjetor, por shefja e ekzekutivit vendosi ta shtynte kur u bë e qartë se pakti nuk do të merrte mbështetjen e shpresuar./tch/