Këtë vit nga falja e Presidentit të Republikës së Kosovës, për heqjen e dënimeve nga të burgosurit, kanë kërkuar gjithsej 748 persona të dënuar.

“Nga muaji Janar 2018 e deri me tani kërkesë për falje të dënimit kanë parashtruar 748 persona të dënuar”, ka deklaruar për arbresh.info, Jeton Kabashi, zyrtar për komunikim me publikun nga Shërbimi Korrektues i Kosovës.

Ndërsa në pyetjen drejtuar, se sa persona do të përfitojnë dhe deri ku ka arritur procesi i Komisioni për Shqyrtimin e Kërkesave për falje të denimeve nga Presidenti  arbresh.info, ka kontaktuar me Zyrën e Presidentit të Kosovës.

Për më shumë se dy javë nuk ishte i gatshëm të flasë, Artan Behramin, nga Zyra për Informim e Presidencës përkundër se paralajmëroi për një përgjigje rreth kësaj çështjeje.

Sipas Rregullores për Kriteret dhe Procedurat për Faljen e Personave të Dënuar me falje, siç është përcaktuar në Ligj dhe në Kod, personi i dënuar me anë të një vendimi përfundimtar lirohet plotësisht ose pjesërisht nga ekzekutimi i dënimit, ose bëhet zëvendësimi i dënimit me një dënim më të butë apo dënim me kusht, ose i bëhet shlyerja e dënimit.

Nga falja përjashtohen personat e dënuar për çfarëdo dënimi për të cilin Paneli për Lirim me Kusht i ka refuzuar lirimin me kusht, ersonat e dënuar për të cilët me ligj të veçantë u ndalohet falja.

Përveç kritereve që janë përcaktuar në Ligj, rrethanat tjera që mund të shqyrtohen gjatë dhënies së faljes përfshijnë arsye specifike humanitare, respektimi i rregullave përkatëse për risocializim dhe ri integrim gjatë ekzekutimit të dënimit, koha e kaluar në mbajtjen e dënimit.

Gjatë shqyrtimit të kërkesave për falje, kujdes i veçantë i kushtohet procedimit të rasteve me rrezikshmëri të lartë shoqërore, sikurse janë: vrasja, keqpërdorimi seksual i personave nën moshën gjashtëmbëdhjetë (16) vjet, dhe recidivistët.

Recidivist janë personat që përsërisin një vepër shoqërisht të rrezikshme, për të cilën është dënuar më parë me gjyq. Recidivist i rrezikshëm./arbresh.info/