Zhduket një kanadez në Kinë, dyshohet se është arrestuar

08:45 | 13 Dhjetor 2018
Arbresh.info

Ministria e jashtme e Kanadasë është duke bërë përpjekje për të kontaktuar me shtetasin e dytë të saj që besohet të jetë ndaluar në Kinë nën dyshimin e dëmtimit të sigurisë kombëtare.

Biznesmeni Michael Spavor kishte kontaktuar zyrtarët kanadezë këtë javë për t’u thënë se ishte duke u marrë në pyetje, transmeton portali arbresh.info.

Një ish diplomat kanadez është arrestuar në Kinë në fillim të kësaj jave.

Me 1 dhjetor, Kanadaja arrestoi një ekzekutiv të gjigantit telefonik Huawei, me kërkesë të SHBA-ve.

Amerikanët janë duke kërkuar ekstradimin e Meng Wanzhou, shefja financiare (CFO) e Huawei, nën dyshimin e shkeljes së sanksioneve amerikane ndaj Iranit.

Kina ka kërcënuar me pasoja të paspecifikuara nëse nuk lirohet ajo.

Michael Spavor është një biznesmen i bazuar në Dandong, pranë kufirit kinez me Korenë e Veriut. Ai ka lidhje të thella me qeverinë e Koresë së Veriut./Arbresh.info/