Ministri turk i drejtësisë Abdul Hamid Gul tha se Arabia Saudite “nuk na dha mbështetjen e nevojshme” në rastin e vrasjes së gazetarit saudit Jamal Khashoggi në konsullatën e tij në tetor.

Ministri turk i drejtësisë tha se Arabia Saudite “mbeti e heshtur lidhur me kërkesat e Turqisë”,  raporton arabic.cnn, përcjell arabresh.info

Ministri turk i Drejtësisë tha se “Arabia Saudite paraqiti në deklaratat e para kontradiktore (rreth vdekjes së Khashoggi), por këmbëngulja e Turqisë zbuloi detajet e këtij incidenti në mënyrë të qartë”.

“Ne riafirmojmë kërkesat tona ligjore në një kohë kur pala saudite duhet të jetë konstruktive dhe një ndihmëse, Por ne nuk kemi parë një bashkëpunim të tillë prej tyre dhe për këtë arsye ne do të përpiqemi të arrijmë një rezultat në këtë rast në bashkëpunim me bashkësinë ndërkombëtare “. /arbresh.info/