Trajtimi jo i duhur mjekësor dhe pakujdesia në vendin e punës e çuan drejt vdekjes 42 vjeçarin nga fshati Raushiq i Pejës.

Shefqet Fetahaj, baba i dy fëmijëve u aksidentua të hënën në vendin e punës ku shiriti i bartjes së zhavorrit ia këputi krahun.

Pas kësaj ai u dërgua në Spitalin e Pejës e më pas edhe në QKUK ku ndërroi jetë të mërkurën.

Burime të portalit në Spitalin e Pejës thonë se pacienti nuk ka marrë ndihmën e duhur. Burimi thotë se gjatë transportimit të të ndjerit në QKUK nuk kanë pasur akull për plagë por kanë improvizuar një qese të bërllokut me akull të pa sterilizuar me ç’rast është infektuar plaga. I ndjeri në QKUK i është nënshtruar një operacioni por nuk ka arritur të mbijetojë.

Dyshime të tilla kanë hedhur edhe familjarët e viktimës.

Ata prapa kamerave kanë thënë se është e pamundur ta dërgojë deri në vdekje humbja e krahut.

Axha i të ndjerit flet për arbresh.info.

https://www.youtube.com/watch?v=CWqf6fcCVxQ

Arbresh.info ka shkuar edhe në emergjencë në Pejë, por mjekët kujdestarë nuk kanë pranuar të flasin para kamerës për këtë rast.