Mbyllet pjesa e parë e ndeshjes Kosovë – Azerbajxhan

21:39 | 20 Nëntor 2018
Arbresh.info

Ka përfunduar pjesa e parë e ndeshjes Kosovë – Azerbajxhan në kuadër të Ligës së Kombeve që po mbahet sot (e martë) me fillim prej orës 20:45 në stadiumin ‘Fadil Vokrri’ në kryeqytet.

Kosova ka kaluar në epërsi qysh në minutat e para të ndeshjes përmes golit të Arbër Zenelit, raporton arbresh.info.

Përfaqësuesja jonë pati disa mundësi të mira, por që nuk u finalizuan me një dyfishim të epërsisë.

Kurse skuadra kundërshtare pati vetëm një rast, të cilin për mrekulli e mbrojti portieri zëvendësues Arianit Muriqi. Kjo është ndeshja e parë e tij për Përfaqësuesen e Kosovës.

Kosova është e para në Grupin D me 11 pikë, ajo ka nevojë për fitore sonte ose të dalë me një barazim që të kalojë në Grupin C.

Vetëm humbja do t’ua pamundësonte ‘play-offin’ të zgjedhurve të trajnerit Bernard Challandes./Arbresh.info/