Real Madrid do të nënshkruajë me Exequiel Palacios gjatë afatit kalimtar të dimrit.

Klubi spanjoll do të paguajë 23 milionë euro (20 milion të destinuara për River Platen) për të siguruar shërbimet e mesfushorit të ri premtues.

Ai nuk do të bashkohet me klubin në janar, pasi do të rrijë si huazim deri në fund të kampionatit.

Palacios ka shfaqur interesin edhe të klubeve si Atlético dhe Barcelona.

Por duket se Real Madridi i ka kaluar në këtë herë për të nënshkruar me Palaciosin, i cili njihet si perla e River Plates.

Mesfushori është nën kontratë me klubin deri në qershor 2021 dhe sipas AS, Real Madridi do t’i ofrojë atij një kontratë pesëvjeçare.

Palacios ka zhvilluar 27 ndeshje në Superligën e Argjentinës dhe nëntë ndeshje në Copa Libertadores.

Ai ka debutuar nën drejtimin e Marcelo Gallardo kur ishte ende vetëm 16 vjeç.

Palacios është ftuar edhe nga Argjentina dhe bëri debutimin në ndeshjet e shtatorit me Guatemalën dhe Kolumbinë nën urdhrat e Lionel Scaloni.