Ad Banner
Ad Banner
Ad Banner
Ad Banner

Ministri i Jashtëm dënon sulmin ndaj taksistit shqiptar në veri të Mitrovicës

14:12 | 24 Tetor 2018
M. A.

Ministri i Jashtëm i Kosovës, Behgjet Pacolli, ka dënuar sulmin fizik ndaj një taksisti shqiptar në pjesën veriore të Mitrovicës.

“E dënoj fuqishëm sulmin ndaj taksistit shqiptar në pjesën veriore të Mitrovicës”, ka shkruar Pacolli në Facebook.

“Dhuna dhe aktet e tilla duhet të dënohen me forcën e ligjit. Policia e Kosovës duhet të ndërmarrë masa emergjente në parandalimin e sulmeve të tilla të cilat kanë për qëllim destabilizimin e asaj pjese të Kosovës”.

Persona të panjohur kanë thyer me gurë xhamat e veturës së një taksisti shqiptar derisa po barte udhëtarët në rrugën “Ivo Lolla Ribar” në veri të Mitrovicës.

Vlera e dëmit të shkaktuar në këtë incident që ka ndodhur dje, është rreth 250 euro.

Njësitet policore janë duke kryer hetime lidhur me rastin.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm