Dalin detaje të reja nga shpërthimi i tritolit mbrëmë vonë në oborrin që lidh dy banesa në fshatin Larushk në Fushë-Krujë.

Gazetari i Panorama raporton se tritoli ishte vendosur në oborrin që lidh banesën e gjyshit të Xhisiela Malokut me kushëririn e tij. Tritoli është vënë pranë banesës së shtetasve Ramazan Muça dhe Besim Muça.

Informacioni i policisë

Fushë – Krujë

Më datë 07.10.2018, rreth orës 23:30, në fshatin Larushk Fushë-Krujë, në cepin e oborrit që lidh banesat e shtetasve B.M dhe R.M është hedhur nga rruga dhe ka shpërthyer një sasi e vogël lënde plasëse.

Nga shpërthimi nuk ka të lënduar dhe as dëme materiale.

Policia ka shkuar menjëherë në vendin e ngjarjes.

Janë shoqëruar në polici 9 persona.

Grupi hetimor vijon veprimet në bashkëpunim me Prokurorinë për zbardhjen e rrethanave të ngjarjes, identifikimin dhe kapjen e autorëve.