Pas fitores ndaj West Hamit dhe Cardiff Cityt, Arsenali ka regjistruar fitore e tretë radhazi brenda këtij sezoni në Premierë Ligë.

Pas dy disfatave të njëpasnjëshme me fillimin e sezonit (kundër Man City dhe Chelseat), skuadra nën udhëheqjen e trajnerit të ri Unai Emery i është kthyer fitoreve dhe pasditen e sotme (e shtunë) kanë mposhtur me rezultat 2 me 0 Newcastle United në kuadër të xhiros së pestë në Premierë Ligë, shkruan portali arbresh.info.

Ylli kosovar, Granit Xhaka zhbllokoi shifrat në minutën e e 49′ të pjesës së dytë duke realizuar një supergol nga gjuajtja e lirë nga një distance prej 30 metrash.

Vetëm dhjetë minuta më vonë, “Topçinjtë” dyfishuan epërsinë përmes mesfushorit Mesut Ozil që realizoi për 2 me 0.

Skuadra nën udhëheqjen e Rafael Benitez ngushtoi epërsinë në minutën e parë të kohës shtesë të ndeshjes duke shënuar për 2 me 1 me anë të Ciaran Clark, i cili realizoi me kokë.

Arsenali tani qëndron në pozitën e shtatë me nëntë pikë, ndërsa Newcastle United vazhdon qëndrimin në zonën e dëbimit./arbresh.info/

Shikoni të gjitha golat: