Brazili thotë se do të dërgojë ushtrinë në kufirin venezuelas për të garantuar “rendin dhe ligjin” për shkak të fluksit të emigrantëve në vendi e goditur nga kriza.

Presidenti Michel Temer tha në një adresim televiziv që situata tragjike e Venezuelës kërcënon paqen në Amerikën e Jugut, transmeton portali arbresh.info.

Miliona venezuelas kanë ikur nga vendi për shkak të inflacionit, dhe mungesës së ushqimit dhe barërave.

Veprimi i Brazilit vjen pas përleshjeve të fundit mes vendësve dhe venezuelasve.

Pas këtyre përplasjeve, Presidenti Temer dërgoi një kontingjent të vogël të trupave në qytetin kufitar të Pacaraima, ku ndodhën trazirat.

Të martën, ai nënshkroi një dekret që do të dërgojë ushtarë për dy javë përgjatë kufirit dhe rrugëve federale të shtetit të saj verior të Roraima./Arbresh.info/