Beteja e divorcit vazhdon, por Brad dhe Angelina kanë bërë marrëveshje të përkohshme për kujdestarinë e fëmijëve.
Raporti i ri thotë se aktorja e ‘zbuti qëndrimin e saj’ dhe tani dëshiron të arrijë një përfundim miqësor për martesën e saj me Bradin, shkruan TheSun, transmeton lajmi.net.

Dyshja kanë arritur marrëveshje për kujdestarinë e përkohshme për gjashtë fëmijët e tyre.

“Angelina po shijon ditët e fundit të verës para fillimit të shkollës. Ndërsa, po i ndihmon fëmijët rreth rregullimit të raporteve me babain e tyre”, ka thënë një burim.

Brad dhe Angelina janë prindër të djemve Maddox, 17, Pax, 14, Knox, 10 dhe vajzat Zahara, 13, Shiloh, 12 dhe Vivienne, 10.

Mosmarrëveshja e fundit mes çiftit ishte së fundi kur Angelina pretendoi se aktori nuk kishte paguar ‘mbështetjen’ për fëmijët.

Kurse, së fundi thonë se aktorja po dëshiron të arrijë ‘armëpushim miqësor’ me ish-bashkëshortin.