Jose Mourinho beson se transferimi i Cristiano Ronaldos nga Real Madridi te Juventusi këtë verë është “fantastik për futbollin italian”, por shton se kampioni italian do të ketë një problem.

“Zonja e Vjetër” arriti më në fund të bind Ronaldon që të largohet nga Real Madridi pas nëntë viteve dhe marrëveshje për transferimin e fituesit të pesëfishtë të Topit të Artë i kushtoi atyre 100 milionë euro, transmeton portali arbresh.info.

Mourinho parashikon që transferimi i njërit nga futbollistët më të mirë në botë do të rezultojë që Juventusi të bëhet edhe më dominues në Serie A këtë sezon.

Por, ish trajneri i Interit i ka dërguar gjithashtu një paralajmërim skuadrës në Torino, pasi ai beson gjithashtu që arritja e Ronaldos do t’i motivoj edhe rivalët e Juventusit në Serie A për t’i mposhtur ata.

“Ronaldo në Juventus është transferim fantastik për futbollin italian”, ka thënë trajneri i “Djajve të Kuq” për bashkëkombësin e tij.

“Zonja e Vjetër ka dominuar për shumë vite dhe tani do të jetë edhe më e lehtë me një lojtar të kualitetit të tij”

“Por, unë mendoj se kjo mund t’i shtojë motivim ekstra rivalëve të tyre. Ndoshta superioriteti i Juventusit mund t’i dhurojë një shtytje skuadrave si Milani, Roma, Interi dhe Napoli”

Ronaldo u largua nga skuadra në Bernabeu si golashënuesi më i mirë./arbresh.info/