Mund të duket e lehtë, por shumë njerëz nuk arrijnë dot ta përcaktojnë formën specifike; herë u duket ovale, e herë rrethore për shembull.

Na ndodh të lexojmë këshilla në lidhje me modelin e flokëve, stilin e veshjeve, llojin e vathëve, tonet e syve etj., të gjitha në varësi të formës së fytyrës… Ndaj po ju paraqesim një udhëzues të thjeshtë për të kuptuar më mirë formën e fytyrës.

Detajet ku duhet të përqendroheni:

– gjerësia e ballit
– gjerësia e mollëzave
– linja e nofullës
– gjatësia e fytyrës

Formë e rrumbullakët

Balli është i rrumbullakosur sipas vijës së flokëve; gjerësia e fytyrës është e njëjtë me gjatësinë e saj; mollëzat ndjekin linjën e fytyrës dhe nuk dalin prej saj.

Formë katrore

Balli është pothuajse aq i gjerë sa nofulla; mollëzat kanë linja minimale; nofulla është në formë katrore dhe në linjë të drejtë me ballin; fytyra është sa e gjerë, aq edhe e gjatë.

Formë diamanti

Gjerësia e balli është më e vogël se gjerësia e mollëzave; mollëzat janë më të mëdha se nofulla, mjekra është e ngushtë dhe vjen duke u ngushtuar në një pikë kryesore; fytyra është më e gjatë se e gjerë.

Formë ovale

Gjerësia e ballit është më e vogël se ajo e mollëzave; kockat e mollëzave janë më të gjera; mjekra s’ka ndonjë kënd të theksuar; fytyra është më e gjatë se e gjerë.

Formë zemre

Balli më i gjerë se mjekra dhe linja e flokëve është në formën e shkronjës V; mollëzat janë sa gjerësia e kokës; mjekra vjen duke u ngushtuar dhe zgjatur pak poshtë.

Formë drejtkëndore

Balli ka linjë të drejtë dhe gjerësi të njëjtë me nofullën; kockat e mollëzave janë të theksuara; nofulla është e gjerë dhe mjekra vjen duke u ngushtuar dhe zgjatur pak poshtë; fytyra është më e gjatë se e gjerë.

Formë e përzierë

Në këtë kategori hynë gjithë njerëzit që kanë disa prej tipareve të mësipërme në një të vetme.