Liderët e NATO-s kanë në plan kthimin e vëmendjes tek konflikti në Afganistan, në ditën e dytë të samitit deri tani të dominuar nga kërkesat e presidentit Donald Trump.

Trump të mërkurën kërkoi nga aleatët e Nato’s të japin 4% nga të ardhurat e tyre vjetore (GDP) në shpenzime ushtarake, transmeton portali arbresh.info.

Ai gjithashtu ka kritikuar Gjermaninë për shpenzimet e mbrojtjes.

Udhëheqësit e NATO-s po shpresojnë për një ton më pajtues të enjten, përpara se Trump të largohet për në MB.

Por, në një postim të vonshëm nga Brukseli, presidenti amerikan përsëriti kritikat e tij.

“Miliarda dollarë shtesë po shpenzohen nga vendet e NATO-s që nga vizita ime vitin e kaluar, sipas kërkesës sime, por kjo nuk është pothuajse e mjaftueshme”, deklaroi ai.

Ai më parë akuzoi Gjermaninë se ishte e burgosur për energjinë e importuar ruse, duke pretenduar se është “plotësisht e kontrolluar” nga Moska.

Shifrat e BE sugjerojnë se Rusia është përgjegjëse për 50-75% të importeve të gazit të Gjermanisë, por gazit përbën më pak se 20% të përzierjes së energjisë në Gjermani për prodhimin e energjisë./Arbresh.info/