Zëvendëskryeministri i Kosovës, Enver Hoxhaj ka takuar sot të gjithë ambasadorët e shteteve të Bashkimit Evropian për të kanë diskutuar në lidhje me fazën finale të dialogut ndërmjet Kosovës dhe Serbisë të ndërmjetësuar nga Bashkimi Evropian.

Hoxhaj ka thënë se për Kosovën është e rëndësishme që kjo të mos jetë fazë e re, por fazë finale e dialogut me Serbinë. Ai ka theksuar se arritja e një marrëveshjeje obligative ligjore është po aq e rëndësishme sa edhe implementimi i plotë i saj.

Ai ka deklaruar para ambasadorëve të BE-së se marrëveshja obligative ligjore që duhet të arrihet mes Kosovës dhe Serbisë në përmbyllje të dialogut, për Kosovën ka një emër dhe ajo është njohje e ndërsjellët.

“Biseduam për zhvillimet më të fundit politike, dialogun Kosovë-Serbi dhe agjendën evropiane me shefat e misioneve të shteteve anëtare të BE-së. Arritja e një marrëveshjeje obligative ligjore është po aq e rëndësishme sa implementimi i plotë i saj, dhe kjo për Kosovën do të thotë njohje e ndërsjellët”, ka shkruar Hoxhaj në Twitter.