Albin Kurti tregohet më i zoti se Shpend Ahmeti, anëtarëson VV-në në organizatën ndërkombëtare të partive socialdemokrate

15:48 | 27 Qershor 2018
Arbresh.info

Lëvizja Vetëvendosje ka njoftuar se sot është bërë anëtare observuese në organizatën ndërkombëtare të partive socialdemokrate.

Këshilli i Internacionales Sociale ka votuar unanimisht kandidimin e Vetëvendosjes për të qenë pjesë e kësaj organizate, njofton Vetëvendosje.

“Deri para këtij vendimi, Lëvizja VETËVENDOSJE! merrte pjesë si subjekt politik me statusin e “të ftuarit” në disa prej mbledhjeve të Internacionales. Nga sot, Lëvizja do të ketë të drejtën të marrë pjesë në të gjitha punimet, mbledhjet dhe takimet e Internacionales Socialiste sipas statutit të organizatës, duke mundësuar lidhje më të forta me partitë e tjera politike të qendrës së majtë nga e gjithë bota”, thuhet në komunikatën e lëshuar nga Lëvizja Vetëvendosje.