Në një interpelancë me studentët, kreu i diplomacisë shqiptare, Ditmir Bushati, i pyetur nëse ka forca politike që nuk e duan Europën, ka pohuar.

“Ka aktorë politik, siç dëshmoi dhe procesi i Reformës në Drejtësi, te cilët në një mënyre a një tjetër nuk kane lëne gjë pa bërë për ta kundërshtuar zbatimin e kësaj reforme”, – tha Bushati.

Ministri e cilësoi keqardhese atë çfarë opozita po bën duke mos bashkëpunuar për integrimin. “Vendimmarrja e BE nuk është një vendimmarrje as për qeverinë as për Edi Ramën. Është për të ardhur keq që opozita shqiptare ka vendosur një bast, ka një ton ultimativ, a thua se me 28 do të marrë fund çdo gjë dhe me 29 nuk do të lind sërish dielli në Shqipëri”,- tha ai..

Megjithatë Bushati është optimist për fundin e qershorit, kur edhe pritet një rekomandim i mundshëm nga vendet e BE-së për çeljen e negociatave për integrimin: “Ne besojmë fuqimisht që në fund të këtij muaji Këshilli i BE do t’i hapë një perspektivë të qartë Shqipërisë përsa i përket këtij procesi, i cili e ritheksoj, nuk do të jetë një proces i lehtë, nuk do të shoqërohet vetëm me të drejta, por do të shoqërohet edhe me detyrime”, u shpreh Bushati./gsh/