Shkup, marsh dhe kundër-marsh për komunitetin LGBTI

10:47 | 29 Qershor 2019

Sot në Shkup do të mbahet parada e komunitetit LGBTI, me qëllim që të rriten të drejtat e këtij komuniteti në vend.

Parada organizohet nga Rrjeti kombëtar për luftimin e homofobisë dhe transfobisë, nga ku theksojnë se mbajtja e paradës së parë përkon me 50 vjetorin e rebelimit në Stonewall – një ngjarje që konsiderohet të jetë një pikë kthese e lëvizjen për të drejtat e njerëzve LGBTI.

Pjesmarrësit priten të fillojnë paradën nga ora 11:00 në parkun “Gruaja luftarake”(Zhena Borec). Një orë më vonë, pritet të marshojnë në Sheshin e Qytetit. Rreth orës 14:00 do të fillojë programi muzikor, ku do të performojë Tamara Todevska.

Në qytetin e Shkupit sot gjithashtu mbahet edhe një marsh paralel kundër paradës së komunitetit LGBTI. Marshi udhëhiqet nga metropoliti Agatangel, ndërsa promovon vlerat tradicionale të familjes.

Qëllimi i kësaj ngjarjeje, sipas thirrjeve publike, është të tregojë të vërtetën rreth asaj se çka është martesa, familja dhe gjinia, dhe si ato kontribuojnë në jetë./alsat

Shpërndaje në rrjete sociale

Lajmet më të lexuara