Gjermania mund t’u bashkohet sulmeve ajrore në Siri

10:20 | 10 Shtator 2018

Gjermania mund t’u bashkohet sulmeve të mundshme ajrore kundër forcave qeveritare siriane nga kombet perëndimore në rast se përdoren armët kimike nga Damasku.

Ministria gjermane e Mbrojtjes ka menduar për t’u bashkuar me sulmet ajrore të mundshme nga Shtetet e Bashkuara, Mbretëria e Bashkuar dhe Franca kundër forcave qeveritare siriane, raporton Bild, transmeton portali arbresh.info.

Ministria po e shqyrton këtë opsion në rast të përdorimit të mundshëm të armëve kimike në Siri, të cilat ata supozojnë se do të kryhen nga trupat qeveritare siriane, tha gazeta gjermane.

Më parë gjatë ditës, ministrja franceze e Forcave të Armatosura Florence Parly tha se nëse sulmet kimike do të kryhen në Siri, do të ketë një përgjigje, përfshirë ato nga Franca.

Zëdhënësja e Departamentit amerikan të Shtetit, Heather Nauert tha gjithashtu në një konferencë shtypi se Shtetet e Bashkuara dhe partnerët e saj ndërkombëtarë do të reagonin me shpejtësi ndaj çdo përdorimi të verifikuar të armëve kimike në Siri./Arbresh.info/

Shpërndaje në rrjete sociale

Lajmet më të lexuara