Seanca e ardhshme e Kuvendit të Kosovës do të zhvillohet më 6 qershor. Para kësaj seance do të mblidhet edhe një herë kryesia e Kuvendit.

Kështu ka bërë të ditur në emër të Grupit Parlamentar të Lëvizjes Vetëvendosje, ka folur edhe Adnan Rrustemi.

“Gjatë kësaj jave presim që komisionet të kryejnë punët e tyre për të dërguar projektligjet që kanë në shqyrtim në kryesi, për t’i për përcjellur në seancë plenare. Kryeministri, Albin Kurti, ka raportuar pas vizitave, madje ka njoftuar edhe para vizitave. Kryeministri do të raportojë sa herë të kërkohet, sikur që do të përgjigjet nëpër seanca sa herë të jetë i pranishëm në seancë. Regres mund ta quajnë të korruptuarit, dhe padyshim se ka pasur progres në të gjitha aspektet”, deklaroi Rrustemi derisa po i përgjigjej pyetjeve të gazetarëve pas dështimit të mbledhjes së kryesisë.

Ai ka komentuar edhe marrëveshjen e fundit ndërmjet Serbisë dhe Rusisë.

“Serbia vazhdon të mbajë raportet me Rusinë, po vërtetohet se nuk ka ndryshuar, vazhdon të punojë kundër interesave të perëndimit. Serbia nuk mund të tolerohet më tutje, në njërën anë të armatoset nga Kina e në anën të përfitojë nga perëndimi fonde”, deklaroi Rrustemi./arbresh.info/

PDK-ja: Kurti po prish raportet me ndërkombëtarët, qeveri e paaftë