Georginio Wijnaldum do të jetë i larguari i radhës nga Paris Saint Germain.

Mesfushori holandez nuk bën pjesë në planet e klubit francez dhe i është kërkuar largimi.

E ardhmja e lojtarit pritet të jetë në kryeqytetin italian Romë, ku Roma tanimë ka një marrëveshje personale me të.

Jose Mourinho e ka kontaktuar direkt mesfushorin dhe e ka bindur për t’iu bashkuar në kryeqytetin italian.

Lajmet e fundit që vijnë nga Franca dhe Italia thonë se ka pasur kontakte të reja mes Romës dhe PSG-së për të mbyllur marrëveshjen.

Wijnaldum tanimë ka pranuar transferimin në kryeqytetin italian dhe është në pritje të marrëveshjes përfundimtare nga dy klubet.

31-vjeçari do t’i bashkohet Romës si huazim për një vit me Giallorosët që kanë të drejtën e blerjes për 10 milionë euro.

Ndërkohë paga e tij gjatë vitit të huazimit do të paguhet përgjysmë nga Roma dhe PSG. /Telegrafi/