Shqipëria shkroi historinë në Kampionatin Evropian me golin e shënuar nga sulmuesi Armando Sadiku, i cili ngjalli shpresat e kombëtares shqiptare që synon ende kualifikimin në rundin tjetër të turnet madhështor në Francë.

Fitorja me rezultat 1-0 kundër Rumanisë i ka siguruar kuqezinjve kuotën e 3 pikëve, por kalimi në fazën tjetër tashmë nuk varet nga skuadra e trajnerit italian Gianni de Biasi, shkruan portali arbresh.info.

Grupi B

Rusia – Uellsi
Angli  – Sllovakia

Në mënyrë që rezultati të jetë në favor të Shqipërisë, Angli apo Rusia duhet të mposhtin Sllovakinë/Uellsin me një diferencë prej më shumë se dy apo më shumë golave. Në rast se Rusia mposhtë Uellsin dhe Anglia barazon apo humb, Sllovakia “mposhtë” Shqipërinë për shkak të diferencave në gola, shkruan portali arbresh.info.

Grupi C

Gjermania – Irlanda e Veriut
Polonia – Ukraina

Ky është një grup më i vështirë. Në mënyrë që rezultati të jetë në favor të Shqipërisë, Gjermania duhet të shënojë 4 apo më shumë gola kundër Irlandës pasi kjo e fundit ka golaverazh më të mirë (+1) për shkak të fitores kundër Ukrainës.

Grupi D

Spanja – Kroacia
Republika Çeke – Turqia

Pasi Çekia ka diferencën e golave -1, Turqia duhet të shënojë dy apo më shumë gola në mënyrë që Çekia të mos vazhdoj tutje, por nëse ata fitojnë atëherë do të kenë diferencën e golave të njëjtë apo më shumë se Shqipëria.

Grupi E

Irlanda – Italia
Belgjika – Suedi

Irlanda dhe Suedia duhet të barazojnë apo të humbin.

Grupi F

Portugali – Hungari
Islandë – Austri

Hungaria duhet të mposhtë gjithsesi Portugalinë pa marrë parasysh rezultatin e ndeshjes tjetër./arbresh.info