Pandemia coronavirus që ka kapluar botën ka bërë që të paralizohet edhe futbolli.

Kampionatet kryesore evropiane janë pezulluar, derisa as skuadrat nga këto kampionate nuk po mbajnë stërvitje.

Por këtë rregull e ka thyer skuadra gjermane RB Leipzig, që ka nxjerrë futbollistët në stërvitje në kulmin e pandemisë.

Çerekfinalistët e Ligës së Kampionëve kanë stërvitur ditën e djeshme dhe kjo në Gjermani është cilësuar si skandaloze.

Drejtori sportiv i klubit Markus Krosche kishte deklaruar për mediat gjermane se ka pasur kushte të mëdha sigurie dhe lojtarët kanë stërvitur në distancë prej më shumë se një metër.

Gjithashtu lojtarët kanë pasur tushet e ndara, derisa drekën nuk e kanë ngrënë së bashku, por që e kanë marrë me vete në shtëpi.

Gjithsesi nxjerrja e lojtarëve në fushë për tu stërvitur nga mediat gjermane dhe analistët sportivë është vlerësuar si skandaloze në këtë kohë të pandemisë.

Vlen të theksohet se gjermanët kanë qenë të fundit që kanë ndalë kampionatin nga top pesë ligat evropiane, derisa një javë kishin luajtur pa praninë e tifozëve.

Deri më tani dy raste janë regjistruar në elitën e futbollit gjerman pozitiv me coronavirus, një te Paderborn dhe një tjetër te Eintracht Frankfurt.