Sulmuesi i njohur spanjoll, Álvaro Morata, është shumë pranë një rikthimi të bujshëm në futbollin italian, këtë herë me fanellën e Comos.

Sipas ekspertit të transferimeve Fabrizio Romano, Morata ka dhënë miratimin e tij për t’u bashkuar me klubin Italian, shkruan Arbresh.info.

Një rol të rëndësishëm në këtë operacion po e luan trajneri i Comos, Cesc Fàbregas, i cili gëzon një marrëdhënie të shkëlqyer me Moratën.

Pavarësisht se Morata ka pranuar ofertën e Comos, ende nuk është finalizuar gjithçka.

Sipas Romanos, aktualisht po zhvillohen bisedime mes AC Milan dhe Galatasaray për kushtet e mundshme të largimit të lojtarit, pasi të dy klubet janë të përfshira në strukturën e transferimit të tij të ardhshëm.

Kujtojmë që Morata është huazuar tek Gallata me mundësinë e blerjes nga gjiganti turk.

Pasi të përfundojnë këto diskutime, do të nisë edhe faza përfundimtare: negociatat direkte midis Como-s dhe palëve të tjera për transferimin zyrtar të sulmuesit./Arbresh.info

 

View this post on Instagram

 

A post shared by Fabrizio Romano (@fabriziorom)