Llapi është mposhtur edhe në ndeshjen e dytë nga Wisla Krakow në kuadër të rrethit të parë kualifikues për Europa League me rezultat 2-1 në Podujevë.

Skuadra e Llapit e nisi ndeshjen më mirë ku rrezikoi përmes disa goditjeve të Elvir Gashijanit por pa shënuar, shkruan Arbresh.info.

Pjesa e parë përfundoi pa gola.

Kurse në pjesën e dytë u shënuan tri gola, me polakët që realizuan të parët përmes Rodados në minutën e 58-të.

Llapi barazoi 15 minuta me golin e zëvendësuesit Ardit Tahiri.

Llapjanët vazhduan sulmet e tyre mirëpo në minutën e 90-të pësuan edhe golin e dytë nga Kiakos për 2-1.

Me këtë rezultat u mbyll edhe takimi, ku pas dy ndeshjeve Llapi mposhtet me rezultat të përgjithshëm 4-1 dhe eliminohet nga kualifikimet për Europa League.

Tani Llapi aventurën evropiane e vazhdon në Conference League në rrethin e dytë./Arbresh.info