Ad Banner
Ad Banner
Ad Banner
Ad Banner

Legjenda turke në gjendje të rëndë, shkaku i koronavirusit

19:26 | 31 Mars 2020
A. B.

Ish-portieri i Turqisë dhe Barcelonës, Rustu Recber, është në gjendje të rëndë shëndetësore në spital, pasi ditë më parë u prek nga pandemia koronavirus.

Në fundjavë, Rustu u dërgua urgjentisht në spital për shkak se nuk ishte ndier mirë dhe u diagnostikua me Covid-19, transmeton Gazeta Express.

Bashkëshortja e tij, Isil, ishte e para në familjen e tij që u infektua me koronavirus pasi ishte kthyer nga një udhëtim në Shtetet e Bashkuara.

Recber, 46-vjeçar, i ka përfaqësuar klubet si Fenerbahce, Besiktas dhe Antalyasport gjatë karrierës së tij të shndritur, derisa e ka shijuar edhe një periudhë të shkurtër në Barcelonë.

Ai i kishte zhvilluar vetëm shtatë ndeshje me Barcelonën dhe pastaj ishte kthyer në Turqi.

Ai mban rekordin për më së shumti paraqitje për Turqinë, pasi i ka zhvilluar plot 120 ndeshje gjatë gati dy dekadave në portën e ekipit kombëtar.

Mediat turke raportojnë se ai është në gjendje të rëndë shëndetësore në spital, ku po shërohet nga koronavirusi.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm