Problemet për Liverpoolin në fazën defensivë janë shtuar dukshëm, meqenëse janë lënduar lojtarët kryesorë.

Pas Virgil van Dijk, ishte Joe Gomez që pësoi lëndim me Kombëtaren e Anglisë dhe pritet të mos rikthehet deri në gjysmën e sezonit, transmeton lajmi.net.

Duke qenë pa mbrojtës, Liverpooli në afatin dimëror duhet të bëjë ndonjë transferim dhe në listën e shkurtër janë David Alaba, Dayot Upamecano dhe Kalidou Koulibaly.

Sipas The Athletic, “Reds” nuk kanë plan nëse do e transferojnë ndonjërin, mirëpo tekniku gjerman preferon austriakun.

Alaba shihet si transferim më i lirë, sepse i skadon kontrata në qershor dhe është konfirmuar që nuk do të rinovojë me Bayern Munichun.

Kurse, Upamecano verës rinovoi me RB Leipzigun, por ka klauzolën e lirimit me vlerë 38 milionë euro.

Ndërsa, Koulibaly është transferimi më i shtrenjtë nga këta të tre, meqenëse Napoli kërkon hiq më pak se 70 milionë euro.

Mbetet të shihet nëse Liverpooli do e transferojë Alaban, por në garë ndodhen edhe Juventus e Real Madridi.