Ad Banner
Ad Banner
Ad Banner
Ad Banner

Interi etiketon tri transferime brenda Serie A

10:53 | 24 Janar 2025
K.B

Klubi italian, Interi thuhet se ka etiketuar tre lojtarë të rinj për t’i transferuar gjatë verës për të rinuar skuadrën dhe për të përforcuar atë.

Interi po planifikon për afatin kalimtar të verës, me fokus në rinovimin e mbrojtjes së tyre duke zëvendësuar qendërmbrojtësit më të vjetër si Francesco Acerbi dhe Stephan De Vrij.

Kështu, drejtuesit e Nerazzurrëve kërkojnë të nënshkruajë me tre lojtarë të rinj brenda kampionatit italian.

Sipas gazetarit të njohur Gianluca Di Marzio, Interi po shikon qendërmbrojtësit e Bolognës, Jhon Lucumi dhe Sam Beukema, të dy 26 vjeç, si nënshkrime të mundshme.

Përveç kësaj, Interi gjithashtu është i interesuar edhe për mesfushorin e Comos, Nico Paz, i cili ka shkëlqyer këtë edicion në Serie A.

Paz shënoi 4 gola dhe 3 asistime në 19 ndeshje për Como këtë sezon, teksa Real Madridi ka të drejtën e riblerjes për argjentinasin. /Telegrafi/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm