Manchester United tani është kontaktuar nga një tjetër ekip i madh italian për shërbimet e Mason Greenwood sipas raportimeve të fundit.

Greenwood ka luajtur edhe për grupmoshat e ‘Djajve të Kuq’ para se eventualisht të bëhej pjesë e ekipit të parë, por që tani duket gati e pamundur që karrierën ta vazhdojë në Angli.

22-vjeçari është momentalisht në huazim tek Getafe, aty ku ka shënuar 10 gola në 34 ndeshje në të gjitha garat.

Kontrata aktuale e Greenwoodit tek Unitedi skadon në verën e 2025, ani pse ata kanë mundësinë që të zgjasin atë edhe për 12 muaj të tjerë.

Ndeshja e fundit e Greenwood me fanellën e Unitedit ishte në janar të 2022, dhe tani një destinacion tjetër i mundshëm për është zbuluar.

Sipas The Athletic, Napoli ka kontaktuar Unitedin për të diskutuar në lidhje me mundësinë e transferimit të Greenwood.

Klubi anglez nuk e ka përjashtuar mundësinë që Greenwoodi të luajë edhe sezonin e ardhshëm në formë huazimi, por që preferenca e tyre është që ta shesin anglezin përfundimisht./Telegrafi/