Chelsea ka siguruar një vend në finale të Carabao Cup me fitoren mbrëmjen e sotme (e enjte).

“Blutë” kanë siguruar fitore në penalti me rezultat 4 me 2 në takimin kthyes të zhvilluar si nikoqir në Stamford Bridge kundër Tottenham Hotspurit, shkruan portali arbresh.info.

Koha e rregullt e ndeshjes së sotme u përmbyll me rezultat 2 me 1 në favor të nikoqirëve duke bërë kështu që ndeshje të shkojë në vazhdime meqenëse takimi i parë mes tyre në kuadër të gjysmëfinales kishte përfunduar 1 me 0 në favor të Tottenhamit.

Golat për skuadrën e Maruicio Pochettinos gjatë 90 minutave lojë i shënuan Eden Hazard (38′) dhe N’Golo Kante (27′), por goli me kokë nga Fernando Llorente në minutën e 50′ bëri që finalisti të vendoset me anë të penaltive.

Chelsea shënoi të gjitha goditjet në portën e Paulo Gazzanigas, ndërsa te Tottenhami dështuan radhazi Lucas Moura dhe Eric Dier duke pësuar kështu humbje me rezultat 4 me 2.

Willian, Cesar Azpilicueta, Jorginho dhe David Luiz ekzekutuan goditjet nga pika e bardhë duke u treguar të saktë, ndërsa për skuadrën e Pochettinos rrjetën e gjetën vetëm dyshja Erick Lamela dhe Christian Eriksen.

Manchester City i Aro Muricit është rivali i Chelseas në finale të këtij kompeticioni./arbresh.info/