Chelsea do t’i fillojë garat për mbrojtjen e titullit, kur sezoni i ri i Premier League të nisë.

Të kaltrit do të përballen në sfida me Manchester City, Arsenal, Manchester Unidted dhe Liverpool – të cilët janë forcuar gjatë gjithë verës – dhe trajneri i tyre Jose Mourinho, që nënshkroi kontratën edhe për katër vjet të premten, pret që lojërat e ardhshme të jenë më kompetitivet që kemi parë deri më tani.

“Secili prej ekipeve ka lojtarë të mirë, prandaj mendoj se është e vështirë të listosh top ekipet në Angli, për shkak të natyrës konkurruese”, ka thënë ai.

“Asnjëra nga ligat e mëdha të Europës nuk kane filluar ende. As në Itali as në Gjermani, dhe as në Spanjë. Kështu që mendoj se të gjithë po e presin të shtunën”.

Kjo do të jetë sezona më e shikuar në historinë e Premier Ligës, transmetimi i së cilës do të përfshijë 212 territore të globit dhe një audiencë prej 4.7 miliardë personash.