Kryeministri i Shqipërisë, Edi Rama, ka njoftuar se është duke u punuar me të gjitha kapacitetet në terren për menaxhimin e situatës së krijuar si pasojë e përkeqësimit të motit.

Me anë të një postimi në Facebook, Rama ka bërë të ditur se mbi 1500 punonjës të Operatorit të Sistemit të Shpërndarjes, në 12 rajonet e vendit, janë angazhuar për të siguruar furnizimin me energji elektrike.

“Mbi 1500 punonjës të #OSSH, në 12 rajonet e vendit, janë angazhuar për të siguruar furnizimin me energji elektrike. Ndërkohë, #ARRSH ka mobilizuar të gjitha grupet e punës për të siguruar mbajtjen hapur të akseve rrugore dhe garantuar siguri në lëvizje. Ftojmë qytetarët të evitojnë lëvizjen e pa nevojshme, deri në normalizimin e situatës. Puna në terren po vijon në çdo zonë ku janë raportuar problematika”, tha Rama./Arbresh.info