Dy persona janë arrestuar nga policia në Ballsh të Shqipërisë, pasi akuzohen për kultivim të lëndëve narkotike dhe moskallëzim krimi.

Në pranga është vënë Meçan Mustaj, 49 vjeç, banues në fshatin Drenovë, Mallakastër, me detyrë Inspektor i Policisë Pyjore në Bashkinë Ballsh. Gjithashtu u bë arrestimi në flagrancë edhe i kryetarit të fshatit Drenovë, Niko Nure, 41 vjeç.

Gjatë kontrollit të territorit, në fshatin Drenovë Mallakastër, në vendin e quajtur “Bregu i Gushës” në një parcelë në pyll, nga shërbimet e policisë u gjetën të kultivuara 80 bimë narkotike të dyshuara kanabis sativa, në pronësi të, Meçan Mustaj.

Materialet i kaluan Prokurorisë pranë Gjykatës së Shkallës së Parë Fier për veprat penale “Kultivimi i bimëve narkotike” dhe “Shpërdorimi i detyrës” në ngarkim të Meçan Mustaj dhe për veprën penale “Moskallëzim i krimit” në ngarkim të s Niko Nure./Arbresh.info/