Në një kohë krize ekonomike që ndodhet Kosova, presidenti i vendit, Hashim Thaçi merret me estradën kosovare, shkruan arbresh.info.

Gjatë ditës së sotme presidenti Thaçi ka pritur në zyre të tij këngëtarin “Mozzik” i cili ditë më parë u kritikua shumë që organizoi tubime publike për të shpërndarë albumin e tij.

Gramoz Aliu i njohur si “Mozzik”, sot ka qenë për vizitë në zyrën e presidentit, të cilit i ka dhuruar edhe një kopje të albumit të tij më të ri.

“Në shenjë respekti për figurat më të shquara të UÇK-së , sot ua dhashë nga një Album (cd) timin që në kohën e lirë ta dëgjojnë e ta shijojnë”, ka shkruar Mozzik.

Mozzik, ditë më parë ka nisur një turne nëpër Kosovë për të promovuar albumin e tij të ri “Mozzart”, mirëpo ky turne u ndërpre në gjysmë pasi reperi nuk respektoi masat e Qeverisë për parandalimin e përhapjes së mëtutjeshme të koronavirusit.

Ai mblodhi qindra fëmijë në sheshet e Mitrovicës, Vushtrrisë e Pejës, derisa vizita nëpër komunat tjera të Kosovës u ndërpre me ndërhyrjen e Qeverisë./arbresh.info/