Prezantuesja e famshme amerikane, Oprah Winfrey ka folur në publik për të kaluarën e saj të hidhur.

Ajo ka treguar se kishte një fëmijë, gjinia mashkull – emrin e të cilit edhe e ka treguar.

“E bëra një interviste me një gazetare para se te vija ne Australi, ajo me tha që duhet ta emëroja fëmijën që më vdiq” tha Oprah para 15.000 vetëve në Rod Laver Arena.

“Canaan, e quajta sepse Canaan nënkupton një vend të ri, jetë të re” tha Oprah, transmeton Klan Kosova.

Ajo ka treguar se kishte mbetur shtatzënë në moshën 14 vjeçare pas përdhunimit që i ishte bërë nga një kushëri I saj.

“Jam dhunuar në moshën 9 vjeçare nga  një kushëri i afërm, më vonë edhe nga një anëtar tjetër i familjes, më pas edhe nga një anëtar tjetër i familjes”, tha ajo.

Më pas ajo ka shtuar se e ka fshehur shtatzëninë e saj pasi  “ndjente dhimbje dhe turp”.

Ndonëse Oprah nuk ka fëmijë të vet, ajo ka mbështetur fëmijë duke krijuar fonde të ndryshme për shkollim dhe ka ndërtuar shkolla të ndryshme në shtetet afrikane.