Samiti i G20-ës, që u mbajt javën e shkuar në Hamburg, mblodhi në tryezën e rrumbullakët figurat më të rëndësishme të politikës mbarëbotërore.

Por, përtej temave si ekonomia globale, lufta kundër terrorizmit, ndryshimet klimatike dhe krijimi i një tregu të përbashkët financiar, ky takim u kategorizua edhe nga parada e fisshme e Zonjave të Para.

Nëse deri më tani tabloidët e ndryshëm kishin në qendër të vëmendjes dy zonjat e para të ShBA-së dhe Francës, Melania Trump dhe Brigitte Macron, lufta e stilit është bërë akoma më e fortë pas shkëlqimit të Zonjës së Parë të Argjentinës, Juliana Awada . 43-vjeçarja Awada, një businesswoman e njohur me origjine libanezo-siriane, është aktualisht gruaja e tretë e presidentit argjentinas Mauricio Macri, me të cilin ka edhe një vajzë. Zonja e Parë e Argjentinës është zgjedhur si First Lady më elegante për vitin 2017, duke e paralelizuar me ikonën Jacqueline Kennedy.

,