Sot një prej mamave më të famshme në botë, Kris Jenner po feston ditëlindjen.

Nëna e motrave Kardashian-Jenner ka mbushur 65 vjet, dhe nuk ka munguar urimet për të përmes rrjeteve sociale.

Urimi më i veçanti që Kris pranoj ishte ai nga Kim Kardashian, e cila në një shkrim emocional në Instagram uroj të ëmën për ditën e saj special.

“Mami !!! Ju jeni 65 vjeçe sot dhe kurrë nuk jeni dukur më mirë! Sinqerisht nuk e di si e bën! Ju e bëni jetën të duket kaq e lehtë, duke rritur 6 fëmijë dhe duke drejtuar një perandori duke qenë nëna më e vëmendshme dhe shoqja më e mirë! Jam përgjithmonë mirënjohës për aftësitë jetësore që na mësuat të gjithëve. Faleminderit që jeni shembulli më i mirë dhe futni etikën tonë të punës tek ne dhe na dhuroni kaq shumë dashuri. Unë të dua dhe kjo nuk mjafton ta them. Gëzuar ditëlindjen”, ka shkruar Kim në urimin e saj bashkangjitur me disa fotografi.