Të largosh stresin njëherë e përgjithmonë nuk është një detyrë e lehtë. Stresi shkaktohet nga shumë faktor të ndryshëm, dhe për disa nga ne, pak stres është në realitet i shëndetshëm!

Nëse jetoni me nivele të larta të stresit, ju jeni duke e vënë gjithë mirëqenien tuaj në rrezik.

Stresi bën kërdi në ekuilibrin tuaj emocional, si dhe shëndetin tuaj fizik. Ngushton aftësinë për të menduar qartë, për të funksionuar në mënyrë efektive dhe për të shijuar jetën.

Menaxhimi efektiv i stresit, në anën tjetër, ju ndihmon të minimizoni stresin që keni në jetën tuaj, kështu që mund të jeni më të lumtur, më të shëndetshëm dhe më produktiv.

Kjo është arsyeja pse është e rëndësishme të eksperimentosh dhe të zbulosh se çfarë funksionon më mirë për ju. Këshillat e mëposhtme të menaxhimit të stresit mund t’ju ndihmojnë ta bëni këtë.

Manaxho kohën: Programimi dhe organizimi i kohës suaj mund t’ju bëjë më shumë produktiv.

Përpiqu të dallosh mënyrat e sjelljes të ndikuara nga stresi dhe gjej mënyrat për t’i reduktuar.

Krijo një stil jete: dhuroji vetes kohën e mjaftueshme për t’u qetësuar. Ushqehu mirë, mos pi duhan dhe limito sa të mundesh konsumin e alkoolit.

Mbaj afër miq të mirë: Njerëzit që kanë një rrjet të fortë shoqëror që i mbështet janë shumë më të aftë të përballojnë ndryshimet e jetës.

Ndrysho mënyrën e të menduarit: Thuaju “stop” mendimeve që të shkaktojnë stres.

Zgjidhi problemet duke punuar dhe krijo intimitet me orenditë e zyrës apo shtëpisë, që të jenë sa më të këndshme për syrin.

Gjithashtu:

A e ke ditur se stresi shkakton shumë gjendje serioze nëse nuk trajtohet si duhet?

Si dhimbja e kokës, ngërçet, sulme paniku, sëmundjet e zemrës, dhe shumë dhimbje të tjera të pashpjegueshme në vende të ndryshme të trupit janë indikatorë të dikujt që po përballet me shumë stres. Më poshtë do të flasim për 5 mënyra të lehta se si të eliminoni stresin nga jeta juaj.

1. Hidh veset e këqija – Nëse vesi i juaj i keq është dehja, pirja e duhanit apo të ushqyerit me ushqim të keq (apo kombimin i të gjithave nga pak), sa më herët të kuptosh situatën dhe i largon ato shprehi aq më shpejtë trupi juaj do të tregoj shenja çlirimi dhe kështu bie edhe niveli i stresit.
2. Qëndro i fokusuar – Njerëzit që mësojnë si të përballen me stresin shpejt e kanë zbuluar se mënyra e thjeshtë se si të jesh në binarë për të ditur çfarë duhet bërë është të përgatitesh listën e gjërave që duhet bërë për çdo ditë. Kjo të ndihmon kundër mungesës së koncentrimit që ke përjetuar së fundi dhe i lejon mendjes të pushojë, duke liruar stresin.
3. Bëj diçka – Atë që janë të prekur nga stresi largohen nga aktivitetet sociale nga turpi… me fjalë të tjera janë tipa të turpshëm. Kjo nuk është e mirë. Lidhu me shokët e vjetër, leje ndonjë takim kafeje apo shko në vendin ku ke bërë qejf përpara dhe kënaqu për disa orë. Kjo është shumë e kënaqshme dhe nëse e bën rregullisht – s’është e thënë ta bësh për ditë – mund të zvogëloni nivelet e përgjithshme të stresit!
4. Pastro – E njeh atë ndjenjën që kemi pasi të kemi pastruat shtëpinë poshtë e lartë shumë mirë? Një mënyrë shumë e shpejtë se si të lirojmë stresin është thjeshtë të fillojmë të heqim të pisllëkun – të pastrojmë. Pastroje një dhomë, shtëpi, tavolinën apo çka do qoftë, e kur të përfundosh do të ndjeni lirim të menjëhershëm të stresit.
5. Fokusohuni në pozitiven – Ulu, relaksohu, dhe fokuso tërë energjinë e mendjes në at se çka është duke ndodhur në jetën tuaj. Ndoshta mendon se e tërë bota është kundër teje, por për shumë nga ju që e lexoni këtë, ndoshta ka edhe shumë gjëra të mira që po ju ndodhin në jetë në të cilat mund të koncentroheni e kështu të largoni mendimet negative stresuese. Energjia pozitive mund të shëroj në shumë aspekte. Mëso si ta përdorësh

Stresi mund të jetë tejet i dëmshëm për shëndetin tuaj. Andaj ju sugjeroj që të mësoni se si ta menaxhoni dhe ta largoni stresin. A ka edhe ndonjë mënyrë tjetër që dikush kish me tregu se si mundemi ta menaxhojmë stresin. Tregoni përvojat e juaja në raste të ndryshme se si ia keni dalë të menaxhoni stresin. Për ata janë komentet – shprehu!/arbresh.info