Presidenti serb Aleksandar Vuçiq gjatë një ceremonie të promovimit për oficerët më të rinj të Forcave të Armatosura Serbe, ka deklaruar se oficerët e ardhshëm vendosën të shërbejnë atdheun e tyre dhe të mbrojnë pavarësinë dhe lirinë e Serbisë përmes njohurive, aftësive dhe fuqisë së moralit dhe patriotizmit të tyre.

Ai këtë vizitë e ka bërë gjatë ditës së sotme, para se të nisej në udhëtimin e tij për në Kosovë, transmeton portali arbresh.info

“Të ruash vendin tënd është detyrë e rëndësishme”, ka thënë ai para ushtarëve.

“Ju duhet të ndiqni shembujt e të mëdhenjve tanë, të cilët gjatë kohërave të turbullta historike, udhëhoqën forcat tona pa pyetur për numrin e armikut. Ata e dinin që dashuria për liri dhe për atdheun serb është më e madhe sesa fuqitë e armikut”.

Vuçiq do të vijë për një vizitë dyditore në Kosovë, ku pritet të vizitojë edhe liqenin e Ujmanit, një pikë e nxehtë për të dyja palët./Arbresh.info/