Nga ‘Seksi dhe qyteti’, në garë për guvernatore të Nju Jorkut

22:46 | 7 Gusht 2017
Trina Galanxhi

Sipas pretendimeve të “Wall Street Journal”, Cynthia Nixon, aktorja amerikane që portretizoi Mirandën në serialin kult “Seksi dhe Qyteti” mund të kandidatojë për postin e guvernatores së Nju Jorkut.

Sipas medias, disa grupe liberale e kanë nxitur atë të garojë për postin e mbajtur aktualisht nga Andreë Cuomo. Nixon është aktivizuar në mbrojtje të shumë kauzave, si për shkollat publike, ashtu edhe për komunitetin LGBT.

Fituese e çmimit “Tony” si aktorja më e mirë për interpretimin në dramën “Dhelprat e vogla”, Nixon njihet edhe për kritikat ndaj Donald Trumpit, veçanërisht lidhur me qëndrimin e tij jo shumë favorizues ndaj komunitetit homoseksual.

Aktorja homoseksuale, gjatë një interviste për “The View” kritikoi edhe linjën politike të Cuomos, i cili sipas saj nuk po ofron mjetet e nevojshme financiare për të mbështur shkollat publike.