Lëvizja Vetëvendosje ka përkujtuar aktivistin Arbnor Dehari, me rastin e ditëlindjes së tij.

Përmes një postimi në Facebook, VV-ja ka bërë të ditur se në këtë ditë, kryetari Albin Kurti së bashku me prindërit e Arbënorit dhe Astritit, Avni Dehari, Xhemile Dehari si dhe deputetin Liburn Aliu kanë bashkëbiseduar për jetën dhe veprën e të ndjerit.

“Arbënori ka qenë dhe është frymëzim jo vetëm për aktivistët e Lëvizjes e tyre, por për të gjithë ata që refuzojnë të nënshtrohen e me vullnet të fuqishëm përfshihen nëpër beteja për më shumë drejtësi e barazi shoqërore, si në vend ashtu edhe kudo në botë”, thuhet në njoftim.

Ky është njoftimi i plotë:

Me rastin e ditëlindjes së aktivistit të pashembullt që e pati Lëvizja VETËVENDOSJE!, Arbënor Deharit, Kryetari Albin Kurti së bashku me prindërit e Arbënorit dhe Astritit, z. Avni Dehari dhe znj. Xhemile Dehari, dhe deputetin Liburn Aliu, bashkëbiseduan për jetën, veprën dhe angazhimin shoqërorë e politik të tij, duke ndarë ngjarje që më parë nuk i dinim as si aktivistë por as edhe si shoqëri. Arbënori ka qenë dhe është frymëzim jo vetëm për aktivistët e Lëvizjes tonë, por për të gjithë ata që refuzojnë të nënshtrohen e me vullnet të fuqishëm përfshihen nëpër beteja për më shumë drejtësi e barazi shoqërore, si në vend ashtu edhe kudo në botë.