NASA është duke u bërë gati që nesër ta kumtojë edhe një tjetër lajm të madh në lidhje me planetin Mars, duke premtuar që të zbuloj gjetjet e reja dhe më të rëndësishme mbi fatin e atmosferës të këtij planeti.

Kumtimi i lajmit do të bëhet të enjten, shkruan britanikja “The Independent”, transmeton KosovaPress.

Herën e fundit që Agjencia Hapësinore – NASA publikoi të gjeturat e saj në Mars, zbuloi se kishte gjetur evidenca mbi rrjedha të ujit në Planetin e Kuq, duke e përforcuar argumentin mbi ekzistencën e jashtëtokësorëve.

Michael Mayer, shkencëtari që udhëheq ekspeditën shkencore të NASA-s në Mars, do ta japë lajmin në një konferencë që do të organizohet në selinë e agjencisë më 5 nwntor në orën 14:00, sipas kohës lokale.

Këtë javë agjencia dhe partnerët e saj global kanë festuar edhe 15-vjetorin e qëndrimit të vazhdueshëm në Stacionin Ndërkombëtar Hapësinor.

Derisa astronautët e NASA-s kanë porositur ndjekësit e tyre që të rrijnë të kyqur për një lajm “emocionues” të enjten, nuk është bërë e ditur ende zyrtarisht nëse lajmi ka të bëj me plant in e Mars ose jo.

Aktualisht, janë gjashtë astronaut që jetojnë në Stacionin Ndërkombëtar Hapësinor, që vijnë nga Rusia, SHBA-ja dhe Japonia. Është thënë se të hënën e kanë organizuar një darkë speciale për ta shënuar 15-vjetorin e NASA-s jashtë tokës.